«Sakkizta yurak»: bolalar uchun UZI diagnostikasini kengaytirishni qo‘llab-quvvatlash

Loyiha pediatrik diagnostika uchun qo‘shimcha ixtisoslashtirilgan UZI apparatini xarid qilishni nazarda tutadi. Ushbu uskuna markazning diagnostika imkoniyatlarini kengaytirishga, shuningdek, kichik bemorlar uchun tekshiruvlarning qulayligi va aniqligini oshirishga yordam beradi.

Loyihaning maqsadi — qiymati 120 ming AQSh dollari bo‘lgan UZI apparatini xarid qilish uchun mablag‘ yig‘ish.

Loyihani O‘zbekistondan 8 nafar havaskor sportchi qo‘llab-quvvatlamoqda. Ularni nafaqat sport maqsadlariga erishish istagi, balki fondning xayriya tashabbuslarini qo‘llab-quvvatlash maqsadi ham birlashtiradi.

Loyiha aprel oyi boshida jamoaning Sahroi Kabir orqali o‘tkaziladigan 40-yubiley ultramarafonida ishtirok etishi bilan boshlanadi. Bu dunyodagi eng murakkab ultramarafonlardan biridir. O‘zbekiston nomidan 8 nafar ishtirokchidan iborat jamoa qatnashadi. Ular jazirama issiq, og‘ir jismoniy zo‘riqish va chidamlilikni sinovdan o‘tkazuvchi murakkab sharoitlarda 270 kilometr masofani bosib o‘tishlari kerak bo‘ladi.

Aynan shu yirik xalqaro sport tadbiri «Sakkizta yurak» xayriya loyihasiga start beradi va keng jamoatchilik e’tiborini bolalar uchun UZI apparatini xarid qilish maqsadida olib borilayotgan mablag‘ yig‘ish tashabbusiga jalb etishga xizmat qiladi.