Maxfiylik siyosati

Ushbu Maxfiylik siyosati «EZGU AMAL» jamoat fondi (keyingi o‘rinlarda — Fond) rasmiy veb-sayti orqali foydalanuvchilarning shaxsga doir ma’lumotlarini yig‘ish, ishlov berish va muhofaza qilish tartibini belgilaydi.

Saytdan foydalanish, ma’lumotlarni kiritish hamda xayriya to‘lovlarini amalga oshirish orqali foydalanuvchi ushbu Siyosat shartlariga va o‘z shaxsga doir ma’lumotlariga O‘zbekiston Respublikasining «Shaxsga doir ma’lumotlar to‘g‘risida»gi Qonuniga muvofiq ishlov berilishiga to‘liq rozilik beradi.

Fond sayti orqali quyidagi turdagi ma’lumotlar yig‘iladi va ishlov beriladi:

• Foydalanuvchi tomonidan kiritiladigan ma’lumotlar: Ism, familiya, telefon raqami, elektron pochta manzili, xayriya summasi va xayriya maqsadi.
• Texnik va tahliliy ma’lumotlar: IP-manzil, Cookie-fayllar, brauzer turi, kirish vaqti va ko‘rilgan sahifalar (ushbu ma’lumotlar sayt faoliyatini tahlil qilish hamda xizmat ko‘rsatish sifatini oshirish uchun avtomatik ravishda yig‘iladi).

Yig‘ilgan shaxsga doir ma’lumotlardan quyidagi aniq maqsadlarda foydalaniladi:

• Xayriya to‘lovlarini amalga oshirish: Xayriya mablag‘larini to‘g‘ri qabul qilish va rasmiylashtirish.
• Hisobotdorlik va shaffoflik: Fond faoliyati hamda yig‘ilgan mablag‘larning maqsadli sarflanishi bo‘yicha shaffof hisobotlarni yuborish.
• Qayta aloqa: Foydalanuvchilarning savollari, murojaatlari va takliflariga javob berish.
• Ijtimoiy loyihalar: Fondning ijtimoiy loyihalari va xayriya dasturlarini amalga oshirish.

Eslatma: Xayriya qiluvchining xohishiga ko‘ra, uning shaxsiy ma’lumotlari egasizlantiriladi va ommaviy hisobotlarda anonim (nomi oshkor etilmagan) holda aks ettiriladi.

To‘lovlar mustaqil va litsenziyalangan banklar hamda to‘lov tizimlarining («UZUM BANK» AJ, Visa, Mastercard, Click, Payme, Uzum, Xazna, Alif va h.k.) himoyalangan sahifalarida amalga oshiriladi.

Bank kartasi rekvizitlari, PIN-kodlar va maxfiy xavfsizlik kodlari Fond saytida kiritilmaydi, yig‘ilmaydi va saqlanmaydi. Ular bevosita tegishli bank yoki to‘lov tizimining shifrlangan sahifasida qayta ishlanadi.

Sayt faoliyatini tahlil qilish uchun Google Analytics, Yandex Metrika va Meta Pixel veb-analitika xizmatlaridan foydalaniladi. Ushbu xizmatlar texnik ma’lumotlarni (IP-manzil, Cookie-fayllar, brauzer turi, ko‘rilgan sahifalar va saytdagi harakatlar), shuningdek yakunlangan xayriya summasini olishi va ularni o‘z serverlarida, jumladan O‘zbekiston Respublikasi hududidan tashqarida qayta ishlashi mumkin. Foydalanuvchi brauzer sozlamalari orqali Cookie-fayllardan foydalanishni cheklashi mumkin.

O‘zbekiston Respublikasi «Shaxsga doir ma’lumotlar to‘g‘risida»gi Qonunining 27¹-moddasiga muvofiq, foydalanuvchilarning shaxsga doir ma’lumotlar bazasi jisman O‘zbekiston Respublikasi hududida joylashgan serverlarda saqlanadi. 4-bo‘limda ko‘rsatilgan analitika xizmatlari yig‘adigan texnik ma’lumotlar ushbu xizmatlarning serverlarida qayta ishlanadi.

Ma’lumotlar belgilangan maqsadlarga erishilgunga qadar yoki foydalanuvchi tomonidan rozilik qaytarib olingunga (yoki o‘chirish so‘ralgungacha) qadar saqlanadi.

O‘zbekiston Respublikasi qonunchiligiga muvofiq foydalanuvchi quyidagi huquqlarga ega:

• Axborot olish: Fondda o‘ziga tegishli qanday ma’lumotlar saqlanayotgani bilan tanishish.
• O‘zgartirish va o‘chirish: O‘z shaxsga doir ma’lumotlariga o‘zgartirish kiritish, ularni to‘ldirish yoki to‘liq o‘chirishni (rozilikni chaqirib olishni) talab qilish.
• Ishlov berishni to‘xtatib turish: O‘z shaxsga doir ma’lumotlariga ishlov berishni vaqtincha to‘xtatib turishni talab qilish.

Ma’lumotlarni o‘zgartirish, o‘chirish yoki ularga ishlov berishni to‘xtatib turish bo‘yicha murojaatlar info@ezgu-amal.uz elektron pochta manzili orqali qabul qilinadi va 10 kun muddatda ko‘rib chiqiladi.

Maxfiylik siyosati, shaxsga doir ma’lumotlarni muhofaza qilish yoki Fond faoliyati bo‘yicha savol va takliflaringiz bo‘lsa, quyidagi aloqa kanallari orqali murojaat qilishingiz mumkin:

• Elektron pochta: info@ezgu-amal.uz
• Rasmiy veb-sayt: www.ezgu-amal.uz («Aloqa» bo‘limi)