"Sakkizta yurak": bolalar uchun UTT diagnostikasini kengaytirishni qo'llab-quvvatlash yo'lida

"EZGU AMAL" fondi SUPERSPORT sport maktabi bilan hamkorlikda Bolalar onkologiyasi, gematologiyasi va klinik immunologiyasi ilmiy-amaliy tibbiyot markazini qo‘llab-quvvatlash maqsadida xayriya tashabbusini ishga tushirmoqda. Loyiha markazning diagnostika imkoniyatlarini kengaytirishga hamda jajji bemorlar uchun tekshiruvlarning qulayligi va aniqligini oshirishga yordam beradigan pediatrik diagnostika uchun qo‘shimcha ixtisoslashtirilgan UTT (UZI) apparatini xarid qilishni nazarda tutadi.

Loyihaning maqsadi — qiymati 120 ming AQSh dollariga teng bo‘lgan apparatni xarid qilish uchun mablag‘ yig‘ishdir. Loyihani nafaqat sportdagi marralarga erishish, balki fondning ezgu tashabbuslarini qo‘llab-quvvatlash uchun birlashgan o‘zbekistonlik 8 nafar havaskor sportchi ilgari surmoqda. Loyiha aprel oyi boshida jamoaning Sahroi Kabir cho‘li bo‘ylab o‘tkaziladigan va dunyodagi eng qiyin yugurish musobaqalaridan biri bo‘lgan 40-yubiley ultramarafonidagi ishtiroki bilan boshlanadi. O‘zbekiston nomidan 8 nafar ishtirokchidan iborat jamoa qatnashadi, ular jazirama issiq, jismoniy og‘riq va doimiy chidamlilik sinovlari sharoitida 270 km masofani bosib o‘tishlari kerak bo‘ladi. Aynan ushbu keng ko‘lamli xalqaro tadbir orqali bolalar uchun UTT apparatini xarid qilish maqsadida mablag‘ yig‘ishga keng jamoatchilik e’tiborini jalb etadigan "Sakkizta yurak" xayriya loyihasiga start beriladi.